Lal Eng Lian

1. Zumtu kan nu cu ral do nun a si;

    Hmuh thei lo Satan ral cu kan do,

    Ralring te’n um uh kan ralpa Satan cu,

    Ei ding mi hawlin sun le zaan a tawi ee.

Sakkir:

         Ninu Gibeon khaw tlunah ding hrih aw;

         Thlapa Aijaon ruam tlunah ding hrih aw;

         Kan ral pawl hmai ih nehnak kan phuan hlan cu,

         Kan hmai in hruai law, na fa le’n kan lo au.

2. Satan hnatuan cu sunglam in a tuan;

    Pathian ralthuam famkim thawn do uh,

    Minung tisa ih thuruah mi pawl hmangin,

    Zumtu kan nun siatsuahnak ding a hawl ee.

3. Zumtu kan nun ih Satan hnatuan hi,

    Midang mawhthluknak ah hmang hlah uh,

    Satan hnatuan ti thei in do tlang uh si,

    Nehtu kan si ding, nehnak thawn kan tlung ding.

Leave a Reply 0

Your email address will not be published.