Tha Nei Khar

  1. Ringtui’ ram cu hih lei si lo,
    Kut sak lomi van khua a si;
    Duh tin kimnak aan hai um lo,
    Bawipa’n kan hrangah in ret sak.

    Sakkir
    Cuih ram nuam ih kan thlen ahcun,
    Sual ruangah kan buai nawn lo ding,
    Lungawi tawp in in tlentu cu,
    Zai hla mawi in kan thangtthat ding.
  2. Kan co ding van ro sunglawi cu,
    Siat thei lomi van thil a si;
    Lungawi aipuang hlimnak famkim,
    Cem ni um lo nunnak a si.
  3. Kan co ding van ro sunglawi cu,
    Thihnak natnak lusun ttahnak,
    Tihal rilrawn um nawn lo ding,
    Tlaitluan famkimnak ram a si.
  4. Lei taksa cu van taksa in,
    Ttoih theimi cu toih thei loin,
    In thlengsak ding cuih ram ahcun,
    Lei nun ngai loin kan leng ding.
Leave a Reply 0

Your email address will not be published.