Lal Nei Khup

  1. Pathian duhdawtnak thuk in a sang hlei ee,
    Kan nih misual hrang ziangkim tuar huam tu cu,
    Miṭha aiah cun tuarngam um thei ngai ee
    Hmanseh Jesuh cu misual hrang nun a liam

    Sakkir
    Nun kan neih theinak ding in a thi ii,
    Van inn co thei ding in van a suahsan
    Milian kan si theinak dingah zonzaih a tuar
    Kan damnak ding in vuak le hmuhsuam tuar in
    Kan hrang tuar hi leiba si lo duhdawt zangfah ruang a si.
  2. Kan piantir in maw ṭhatnak ziang nei lo mi
    Sualman thihnak cu kan nih covo a si,
    Hmanseh Pathian duhdawt le zangfahnak cu,
    Kan sualnak aiin thuk in a sang sawn si.
  3. Pathian hrang ṭhat caan nei lo kan si hman ah
    Anih cun kan hrang ṭhat lo lai a nei lo,
    Kan hrang ṭhatnak ding ziangkim in tuah sak ii,
    Pathian duhdawtnak kaan ni a nei velo.
Leave a Reply 0

Your email address will not be published.