Dorcas Lal Biak Eng

  1. Ka rumnak ram, hi lei camsait ram ahhin
    Lungngai ṭahnak sum in i kulhvel nitin in
    Ka tuar thiamlo, ka lungduh ka ṭhen ni hin
    Bawi nunnem in hnem law, khawhar riangvai fa.

    Sakkir
    Aw ka ngai zualsin, kumkhaw ram nuam khi
    ṭhencia lungduh an kimnak ram cu
    Cui hmun mawi ah kan ṭah mitthli a hul ding
    Nuam in kan leng za ding, leiram ngai lo in.
  2. ṭhal caan hungsuak lunglennak a zual sin ee
    ṭhenhnu lungduh ngai in ṭahlai ka bang thei lo
    Ka hawivel ih an sulhnu zumthlam lawng maw
    Tonni um lo dairial ti an cang hnu hi.
  3. Van khawpi nuam ih leng zo lungduh pawl cun
    Kir an rello, hi leiram hi an ngai lo
    Hoilo par tlan in an leng, tlentu fak in
    Cawn ban vawr sialsoten an ning thei lo ee.

    #Hminsin: Hih hla hi 53:05 mins in a thok.
Leave a Reply 0

Your email address will not be published.