Biak Ruat Zual

1.   Lei camsiat tuar kan lennak ramah hin,

      Natnak, thihnak le paamnak a tam si;

      Tihal le rilrawngin kan aihram e,

      Elijah-ih Pathian kan ramah ausal aw.

              Sangvut a cem theilo, siti a cem theilo,

              Siang zetih Bawipai’ hnen petui’ hrangah;

              Thlawsuah conak a si malsawm donnak a si,

              Elijah-ih Pathian kan ramah ausal aw.

2.   Sum le pai ngainatu Balaam bang,

      Sualnak lampi zawhin kan feh liam si;

      Sadom khua-ih Lot na runsuah bangin,

      Elijah-ih Pathian kan ramah ausal leh aw.

3.   Tilet suar le thlisia lak khalah,

      Bawipa a ṭhang thiamtu cu an him ding;

      Damnak duhih a puan pawktu khalin,

      Damnak ngah in lungawiin an tlungsal a si.

Leave a Reply 0

Your email address will not be published.