Tha Nei Fai
Cang 1
Ka pai’ hnenin ka tlan hnu, Kan neih mi hlawnthil a cem,
Fapa tlanhlo lam tluanah; Duhdawṭu hman neilo in;
Hmanseh ka pai’ miṭhli cu, hulni neilo in a luang;
A duhdawtnak in in thlir, a ṭang neemih kir dingah.

Sakkir
Duhdawtnak, duhdawtnak,
Cung Pathian ih duhdawtnak;
Ramri a neilo thukin a sanzia hi;
Tifinriat hnakin a thuk, van hnakin a sangsawn si,
Damsungin ka aupi ding, Cemni neilo duhdawtnak.
Cang 2
Profet pawlin an raksim cemtheilo duhdawtnak thu,
Dungthlun pawl khalin an phuang ahrek hman ansim thiam lo;
Caa sungih ngan cawk lo le Kaa ih simcem theilo mi,
Cung Pathian ih duhdawtnak kan Thlarau, taksa damnak.
Cang 3
A felnak ka phu ban lo, a fimnak ka ruat ban lo,
A cahnak a maksak si len nakin a khat Pathian;
Duhdawt tlaklo in duhdawt, zaangfah tlaklo in zaangfah,
Ka duhdawt mi ka fahniang ti’n in ko ava mak em.
Cang 4
Minung cun milian miṭha sungkhat unau kan duhdawt,
Sihmanseh cung Pathian cun a mai ralpawl in duhdawt,
A fapa neisun inpe Van nunnak co thei dingah,
Zianghman in,in ṭhen theilo duhdawtnak sungah kan um.

Leave a Reply 0

Your email address will not be published.