Phuah: Ezra Lal Nei Thang

Mai Far Men Par

  1. Hihlan mi thianghlim pawl nundan kha,
    Siangpahrang thinhengnak khal ttih loin;
    An do an ral pawl an hmaiah an zaam ttheu,
    Raldonak ah mihrat khawkheng an si.

    Sakkirsal
    (Cuipawl cun hi leilungtlun hi an hrangah
    Umnaktlak ah an ruat lo)x2
  2. Tlang le lungpuk sungah an ceng ttheu,
    Mifarah sin ding nei lo pawl bangin;
    Tuu vun le kel vun sin in an vakvai ttheu,
    Camsiat mi bang lung ih denthat an si.
  3. Hilei mawinak lenglam thil an hmu,
    Thlarau khawvel ih cengpawl an si;
    An hrang Pathian laksawng pek ding an hmufiang,
    Leitlun hi umnak tlak ah an ruat lo.
  4. Ttih le phannak lakah an hnangam,
    Leitlun uktu hmaiah an zam lo;
    Catuan daih ropitnak sawn an hmuh ruangah,
    An nunnak Khrih hrangah an hmangcem sawn.
Leave a Reply 0

Your email address will not be published.