Dorcas Lal Biak Eng

  1. Thiam tawkte in ka ruatsal theu, Bawipa na duhdawtnak
    Van sunlawinak hmuah tansan in, nunnak tiang in petu
    Kumkhaw nunnak sunglawi in pe,
    Nitin kan ṭulmi ziangkim thawn, ka ning thei lo
    Na hmin fak hi, Halleluijah.. Amen.

    Sakkir
    Maw ka Bawipa, na duhdawtnak le na ṭhatzia hi,
    Ka sim thiam lo, leimi ankaa hin a daih si lo,
    Ka ti thei tawk na hmin fak ih zai hi a si, aw ka pa,
    Ka phu lo ee, ka phu hrim lo, hitluk duhdawtnak hi.
  2. Maw ka Bawipa, nang cu Pathian, cak le ziangkim ti thei,
    Ti um lonak ram car hmanah lungpi ti suahter in,
    Rawl um lonak ramcar hmanah
    Theih dahlo van mana sang thawn fa le cawm tu
    Pathian na si, aw a va mak em.
  3. Maw ka Bawipa, nang cu na ṭha, ngaidam na paih si ih,
    Kan sualnak le aatnak tamtak khal in ngai thiam ṭheu.
    Nitin thlemnak lakah in hum, zinpeng kan zawh zik caan hmanah,
    Nundan dik in zirh ih, lam dik ah in hruaisal ṭheu.
Leave a Reply 0

Your email address will not be published.