Phuah: Lal Eng Lian

  1. Bawipa na kilvennak ruangah,
    Nung tlak lo le mi borhhlawh hi;
    Nunnuam le hahdam te’n i cawlter ttheu,
    Ziang thei lo ih kan ih laiah,
    Khawvang canah in thoter ttheu,
    Nitin nithar sungah kan nunnak in hruailut.

    Sakkirsal
    Kan nun hruaitu Bawipa nangmah na si,
    Dam lo thizik vansan kan ton canah;
    Nun thlangamnak in pe kan hrang bawmtu na si,
    Sunlawih thangtthattlak cu Bawipa nangmah na si.
  2. Ei le in kan hmuhnak dingah ,
    Vaan in daifim na tlakter ttheu;
    Kan taksa damnak ah ni na suahter,
    Na hnen kan thlen theinak dingah fapa Jesu cu in run pe,
    Kan hrang tthatnak dingin ziangkim thu in relsak.
  3. Cak lo rethei bawmtu na si mitcaw kebai hruaitu na si,
    Pa nei lo cawmtu le bawmtu na si;
    Mi zokhal thleidan nei loin nisuah ruahsur tertu na si,
    Na van tukverh ong in nitin’n in cawmttheu.
Leave a Reply 0

Your email address will not be published.