1.   Aw, duhdawtnak khawvel entu,

      Kalvari tlang thing Kros cungah;

      Ka Lalpa a thlen cu,

      Ka ngaihtuahin a sunglawi e;

      Thihnak rapthlak ka hrang tuarin,

      (Thi sunglawi a luanter)2

2.   Zangfahnakih khatin a tuar,

      Lungngai thlaphan hremhmun ih ta;

      In run tlensuak leh zo,

      A felnak zarah nun nuamih;

      Ka thla vanramih leng ding cu,

      (Ka thangṭhat ning lo ding)2

3.   Hi lei nun tawpah a tlencia,

      A vanram nuamah lungrualin;

      Kan tongkhawm leh za ding,

      Cunah lungngai thlaphannak cu;

      Zonzai harnak hmuah a ral ding,

      (Tlentu Bawipai’ hmai ah)2

4.   Lungngainak ni a thleng cing ding,

      Ka Bawipai’n i hruai tikah;

      A hmel mawi ka hmu ding,

      In ruuntu Bawipa duhnung thawn;

      Kumkhua malsawmnakih lengin,

      (Ka thangṭhat ning lo ding)2

Leave a Reply 0

Your email address will not be published.